LEZHË- Një episod dhune është regjistruar në kampin e Gjadrit ku janë riatdhesuar nga Italia 40 emigrantë pas dekreteve të dëbimit. Raportohet se dhuna dhe tensionet në kamp kanë shpërthyer pasi 20 nga 40 emigrantët kanë protestuar duke dëmtuar mobiliet dhe infrastrukturën e qendrës dhe duke shkaktuar kaos. Xhamat e thyera, dyshekët e shkatërruar dhe shtëpitë e plaçkitura janë vetëm disa nga shenjat e lëna nga dhuna e emigrantëve.
Ndërkohë pas hetimeve të kryera mbi këto trazira, 10 emigrantë janë futur në qelitë e burgut të ndërtuara brenda objektit posaçërisht për raste të tilla. Ata do të mund të takohen vetëm me avokatët e tyre.
Tre nga emigrantët e përfshirë në kaosin e dhunshë brenda qendre janë plagosur duke i shkaktuar vetes plagë me thikë. Ata kanë marrë ndihmë mjekësore nga personelit mjekësor. Fatmirësisht asnjë nga të lënduarit nuk ishte serioz.
Emigrantët janë kryesisht tunizianë dhe marokenë, por disa vijnë nga vende të tjera si Bangladeshi dhe Moldavia. Ata zbritën nga anija të prangosur dhe të shoqëruar nga efektivë të shumtë policia. Mediat italiane kanë dhënë dhe detaje lidhur me veprat penale që këto emigrantë kanë kryer në Itali dhe janë dënuar me burg. Ndaj tyre është lëshuar urdhër dëbimi pasi konsiderohen të rrezikshëm për shoqërinë. 60% e tyre kanë një dënim për tentativë vrasje, pesë janë shpallur fajtorë për dhunë seksuale, shumë prej tyre kanë dënime të formës së prerë për joshje të të miturve, drogë dhe krime kundër personit ose pronës. Një tjetër shkelje ligjore e përbashkët e tyre është dhënia e informacioneve të rreme për veten.
