GREQI- Një situatë trazirash është shkaktua mëngjesin e ditës së sotme në burgjet e Korfuzit, ku disa të burgosur refuzuan të hynin në qelitë e tyre.
Të burgosurit raportohet se në shenjë rebelimi i vunë flakën dyshekëve. Zjarri u shua pas një kohe të shkurtër falë ndërhyrjes së Zjarrfikësve.
Në burgun e Korfuzit për të hetuar dhe zbardhur ngjarjen ndodhen drejtori i policisë së ishullit dhe dy negociatorë. Mediat greke shkruajnë se zjarri u vu në dyshekët dhe objektet e tjera nga të burgosurit në sektorët E dhe Z.
Shtetas gjeorgjianë dhe shqiptarë po mbahen në ndarjet A dhe Z ku filluan incidentet dhe sipas informacioneve, ata protestuan për kontrollin e kryer në qelitë e tyre disa ditë më parë ku u gjetën telefona celularë.
