Katër burra janë akuzuar për kontrabandimin e kokainës përmes aeroportit të Manchesterit, pas një hetimi të kryer nga Agjencia Kombëtare e Krimit (NCA).
Të pandehurit, të cilët u akuzuan mbrëmë, do të dalin sot para Gjykatës së Mançesterit. Ata janë: Dale Hosker, 49 vjeç, nga Palatine Road, Bury; Dale Creen, 34 vjeç, nga Mere Fold, Worsley; Elton Hallaçi, 31 vjeç, shtetas shqiptar nga Adlam Road, Liverpool; Artur Iseberi, 27 vjeç, gjithashtu shqiptar, nga Aintree Lane, Liverpool.
Veprat penale i atribuohen muajit maj të vitit 2024.
Gjithashtu, dy persona të tjerë të arrestuar dje u liruan me kusht, ndërsa hetimet vazhdojnë.
Në kuadër të një hetimi më të gjerë nga NCA për kontrabandimin e kokainës përmes aeroportit të Manchesterit, gjashtë persona u arrestuan më 17 qershor 2025 në zona të ndryshme të Greater Manchester dhe Liverpool.
Mes tyre janë edhe dy shtetas shqiptarë në moshë të ndryshme, të arrestuar në dy prona në Fazakerley, Liverpool.
Të tjerët e arrestuar janë: Dy burra në të 40-at dhe të 20-at, në një pronë në Bury; Një burrë në të 30-at, në një pronë tjetër në Bury; Një burrë në të 30-at, në një adresë në Worsley.
Të gjithë janë arrestuar për dyshimin e kontrabandimit të kokainës në maj 2024 dhe ndodhen në paraburgim për pyetje.
Zëdhënësi i NCA tha: “Këto arrestime janë pjesë e një hetimi të gjatë. NCA punon në vend dhe jashtë tij për të luftuar kërcënimin nga drogërat e klasit A.”
