Transferimi i mesfushorit brazilian André drejt Milanit, i cili dukej një marrëveshje e sigurta, është ndaluar papritur, shkaktoi pakënaqësi në radhët e klubit italian. Rossonerët kishin shprehur gatishmërinë për të marrë çështjen deri në FIFA, në rast se marrëveshja nuk do të realizohej.
Presidenti i Corinthians, Omar Stabile, vendosi të bllokojë negociatat pas kundërshtimeve të forta nga trajneri Dorival Júnior, i cili madje kërcënoi me dorëheqje nëse transferimi do të realizohej. Milani kishte arritur në fazën finale të marrëveshjes, me një vlerë që variiente nga 13 deri në 14 milionë euro për lojtarin, i lindur në vitin 2006. Sidoqoftë, Júnior e informoi presidentin se vlere e lojtarit mund të rritej në të ardhmen.
Situata ka marrë një drejtim tjetër me futjen e Benfica në garë, e cila është gati të ofrojë rreth 20 milionë euro për kartonin e André. Ndërkohë, lojtari ka mbajtur një qëndrim të qetë lidhur me zhvillimet. Ai shprehu për GloboEsporte se është përqendruar 100% te Corinthians dhe se do të ishte një ëndërr të luante për Milanin. Megjithatë, ai theksoi se luajtja për Corinthians gjithashtu mbetet një ëndërr e tij.
E ardhmja e André mbetet e paqartë, dhe pritet që Milani, Benfica dhe Corinthians të vazhdojnë negociatat për të siguruar shërbimet e tij gjatë merkatos.
