Pas një episode që është bërë viral në rrjetet sociale, ku trajneri i Partizanit U-18 u pa duke shtyrë një lojtar gjatë ndeshjes me Dinamon, është shprehur publikisht për situatën. Në një postim, ai kërkoi ndjesë për veprimin e tij, duke theksuar se ngjarja ndodhi gjatë një momenti emocional që nuk kishte si qëllim keqdashës ndaj lojtarit.
Trajneri thekson se lojtari është pjesë e ekipit dhe se e sheh atë si një djalë të tij, duke e krahasuar skuadrën me një familje sportive që përballon së bashku çdo sfidë. Ai siguroi se episodet e tilla nuk përfaqësojnë karakterin e tij, as frymën e ekipit që drejton, e cila bazohet në respekt, bashkim dhe përkushtim.
Ai shtoi se do të bëjë gjithçka që situata të tila të mos ndodhin më. Në përfundim, trajneri shprehu falënderime për tifozët për mirëkuptimin dhe mbështetje vazhduese, duke kujtuar se futbolli është një sport pasioni që duhet të qëndrojë brenda rregullave të sportivitetit dhe respektit të ndërsjellë. Ai përfundoi duke kërkuar ndjesë për momentin e papërshtatshëm.
