Një tragjedi është regjistruar mbrëmjen e sotme Italisë ku një autobus ka rënë nga një mbikalim me lartësi rreth 10 metra duke iu marrë jetën 21 personave mes tyre edhe dy fëmijë.
Në fillim u raportua për 15 të vdekur por numri rritet pas çdo minuti pasi autobusi është përfshirë nga flakës pas rënies.
Disa nga viktimat e para të gjetura me sa duket janë djegura për vdekje.
Linja hekurudhore mes Mestres dhe Venecias u pezullua për shkak të aksidentit. Autobusi ka depërtuar rrethojën e mbikalimit të Vempës dhe ka rënë në zbrazëtinë pranë shinave.
Autoriteti Shëndetësor Vendor 3 i Venecias ka aktivizuar protokollin e “urgjencave të mëdha”, i cili përfshin vënien në dispozicion të të gjitha dhomave të urgjencës spitalore dhe thirrjen e personelit përforcues në punë.
Sipas asaj që mësojnë mediat italiane janë nxjerrë nga autobus rreth dhjetë trupa. Ndërsa raportohet për 40 të plagosur.
