Një ngjarje tragjike ka ndodhur në Battindarno të Bolonjës, ku një nënë 32 vjeçare së bashku me tre fëmijët e saj kanë humbur jetën si pasojë e një zjarri në apartamentin ku ata jetonin.
Mediat në Itali raportojnë se dy nga fëmijët që humbën jetën ishin binjakë.
Paraprakisht dyshohet se zjarri ka rënë shkak të një qarku të shkurtër në një ngrohës elektrike. Babai i tre fëmijëve nuk ishte në shtëpi dhe në atë kohë ishte larguar për punë. Në vendngjarje kanë ndërhyrë forcat zjarrfikëse, policia dhe ambulanca.
Kryebashkiaku i Bolonjës Matteo Lepore shprehu dhimbjen e madhe për këtë tragjedi.
“Shpreh dhimbjen dhe ngushëllimet e thella të qytetit për këtë tragjedi të tmerrshme, që shkatërroi jetën e një familjeje të re”, ishin fjalët e kryebashkiakut.
