Një ngjarje tragjike ka ndodhur në Itali, ku një grua 45-vjeçare ka humbur jetën pas një aksidenti me kalin e saj. Sipas informacionit të policisë, gjatë një ecjeje në një shteg, kali u frikësua dhe u ngrit mbi këmbët e pasme, duke e rrëzuar gruan dhe më pas duke e shtypur.
Shërbimet e urgjencës kanë arritur në vendngjarje dhe kanë konstatuar se gruaja kishte pësuar arrest kardiak. Ajo u transportua menjëherë në spital me ndihmën e vullnetarëve të Gardës dhe një ambulancë ajrore, megjithatë ndihma e dhënë nuk arriti ta shpëtojë, pasi ajo ndërroi jetë për shkak të gjendjes së rëndë.
Ngjarja ka shkaktuar trishtim të madh në komunitetet e Salò dhe Gardone Riviera, ku gruaja jetonte në fshatin San Michele me djalin e saj 13-vjeçar. Ajo, e identifikuar si Jessica Caratti, ishte një figurë e njohur në zonë, e angazhuar në drejtimin e pikës së informacionit turistik të qytetit. Ajo vlerësohej për gatishmërinë dhe përkushtimin e saj në organizimin e ngjarjeve dhe iniciativave të ndryshme në përfitim të komunitetit.
Të dhënat e mëtejshme rreth ngjarjes pritet të vijnë nga hetimet që po kryen policia, ndërsa nëna e ndjerë ka lënë pas një boshllëk të madhe, si në familjen e saj ashtu edhe në ambientin ku ajo punonte dhe kontribuonte.
