Një ngjarje tragjike ka tronditur Melbourne-in, Australi, ku dy djem, një 12-vjeçar dhe një 15-vjeçar, janë vrarë në një sulm brutal me thikë nga një grup i maskuar. Ngjarjet ndodhën mbrëmjen e së shtunës në dy lokacione të ngjashme.
Djali më i vogël u gjet fillimisht i plagosur rëndë dhe, pavarësisht përpjekjeve të shërbimeve të emergjencës, nuk arriti të mbijetojë. Pak më vonë, trupi i 15-vjeçarit u gjet në një rrugë afër, ku ai kishte pësuar plagë të shumta dhe kishte ndërruar jetë.
Policia e shtetit të Viktorias ka konfirmuar se sulmet ishin kryer nga një grup prej rreth tetë personash, të cilët kishin fytyrat e mbuluara dhe ishin të armatosur me thikë. Sipas hetimeve, viktimat nuk kishin asnjë lidhje me aktivitete kriminale, çka e bën këtë incident edhe më të tronditshëm dhe të pakuptimtë.
Ende nuk është konfirmuar nëse sulmi ishte i qëllimshëm ose një ngatërresë identiteti, por autoritetet po punojnë intensivisht për të identifikuar dhe kapur autorët e këtij krimi. Statistikat e fundit tregojnë një rritje të krimeve të rënda në Australi, me një rritje prej 9 për qind krahasuar me vitin e kaluar, dhe 448 viktima të raportuara deri tani në vitin 2024.
Ky incident vjen në një kontekst të një situate në rritje të dhunës dhe krimeve në vend, dhe ka shqetësuar ndjeshëm opinionin publik. Familjarët e viktimave janë shprehur të indignuar dhe të tronditur nga vrasjet, që sipas tyret janë një pasqyrë e mjerueshme e gjendjes aktuale të sigurisë në vend.
Hetimet vazhdojnë, dhe qytetarët po kërkojnë përgjegjësi nga autoritetet për të garantuar një ambient më të sigurt dhe për të parandaluar ngjarje të ngjashme në të ardhmen.
