Një ngjarje e rëndë ka tronditur futbollistin e ri të Manchester United, Rhys Bennett, i cili ka humbur babanë në rrethana tragjike. Sipas mediave angleze dhe klubi, babai i tij ka ndërruar jetë nga vetëvrasja.
Bennett, që tre vite më parë udhëhoqi ekipin e të rinjve të United drejt fitoreve në Kupën FA, ndau lajmin e dhimbshëm përmes një postimi emocionale në Instagram. Ai shprehu tronditjen dhe pikëllimin e thellë për humbjen e të atit, duke e quajtur veten të thyer dhe i shkatërruar. Në mesazhin e tij, ai theksoi se gjithçka e kishte bërë babai i tij, nga udhëtimet për në stërvitje deri te përkrahja në çdo ndeshje, duke shprehur dashurinë e tij për të.
Në fund të mesazhit, 20-vjeçari bëri një thirrje prekëse për ndërgjegjësim mbi problemet e shëndetit mendor, duke theksuar se vetëvrasja është një zgjidhje e përhershme për një problem të përkohshëm dhe inkurajoi ata që kanë vështirësi të flasin për ndjenjat e tyre.
Tragjedia ka prekur thellë ambientin e Manchester United, ku bashkëlojtarët dhe klubi i kanë shprehur ngushëllime Bennett-it dhe familjes së tij në këto momente të vështira. Kjo ngjarje ka nxitur një reflektim më të madh mbi rëndësinë e shëndetit mendor, duke theksuar nevojën që individët të kërkojnë ndihmë kur përballen me vështirësi.
