RUSIA- Të paktën shtatë persona kanë humbur jetën dhe dhjetëra të tjerë janë plagosur pas shembjes së dy urave në Rusi gjatë natës. Mediat e huajaraportojnë se një tren pasagjerësh doli nga shinat pasi një urë u shemb mbi të në rajonin e Bryanskut, duke shkaktuar vdekjen e makinistit dhe gjashtë personave të tjerë.
Në aksident bëhet me dije se u plagosën gjithsej 69 persona. Treni po udhëtonte nga Moska drejt Klimovit në momentin e ngjarjes. Autoritetet lokale deklaruan fillimisht se incidenti mund të jetë shkaktuar nga “ndërhyrje të paligjshme”.
Vetëm disa orë më vonë, një tjetër urë u shemb në rajonin e Kurskut, ndërsa një tren mallrash po kalonte mbi të. Sipas zyrtarëve lokalë, një nga makinistët e trenit u plagos gjatë përplasjes. Mediat e huaja shkruajnë gjithashtu se shkaku i të dy incidenteve mbetet ende i panjohur dhe autoritetet nuk kanë identifikuar asnjë të dyshuar deri tani.
