Mbrëmjen e sotme, po mbahet mbledhja e kryesisë së PD e drejtuar nga kryetari i komanduar Enkelejd Alibeaj i cili ka folur mbi situatën e krijuar në parti dhe rezolutën e lexuar dy ditë më parë ku flitej për bashkimin e partisë.
Alibeaj tha se nuk duhet të kalohej vija e kuqe që nënkuptonte se Berisha nuk duhet të merrte pjesë në forumet e larta të PD dhe as të kandidonte për kryetar partie.
“Të gjithë kanë rënë dakord që të mos lëshohet pe te vija e kuqe e kësaj rezolute. “Pika 2, vija e kuqe”. Kjo pikë lidhet me faktin se Berisha s’duhet të marrë pjesë në forumet e larta të PD dhe as të mos jetë një nga kandidatët për kryetar në zgjedhjet e reja”– u shpreh Alibeaj.
Ndërsa sa i përket, seancës parlamentare që do të mbahet ditën e nesërme, Alibeaj tha se kishin paraqitur një mocion me debat lidhur me menaxhimin e situatës së rritjes së çmimeve në vend, duke e përmendur si një formë të “luftës opozitare”.
“Patëm mbledhje me sekretariatin e paritsë për të diskutuar në lidhje me situatën në parti. Se pari, për nesër kemi paraqitur mocion me debat. Është nga shenjat e luftës opozitare. Një nga drejtimet ku duhet të ecë partia, është lufta opozitare në parlament e sinqertë dhe e plotë. Së dyti, kemi situatën tonë ku jemi. Për qëndrimin e mëtejshëm. Pesha për secilin është e madhe. Por duhet që të gjithë bashkë të mendojmë se cilat duhet të jenë hapat, të matur, të sigurt”– tha ndër të tjera, kryetari i komanduar i PD.
