Një nga thëniet e mëdha të Servantesit te “Don Kishoti” është pikërisht “më mirë turpi në fytyrë se sa njolla në zemër”! Në fakt, unë mund ta përdor atë në kushtet e sotme me shumicë, edhe pse nuk jemi as në kohën e kalorësisë dhe as në kohën e talljes me këtë model.
Normalisht jemi sot, në një kohë kur është tejkaluar keqas si ana e ndershmërisë dhe sidomos ana morale e trajtimit të gjendjes pikërisht morale. Pse je politikan, pse je drejtues partie, pse je një person që të është dhënë e drejta e qëndrimit dhe fjalës, se je gazetar dhe opinionist, pse je person vip, pse je person publik, shpërdorimi i moralit është diçka e papranueshme edhe sot.
Nuk ka rëndësi në se je sot majtas dhe nesër djathtas, ky nuk është moral i prishur në të vërtetë, ka rëndësi në se ke prishur fytyrën dhe ke njolla në zëmër në çdo krah që të jesh. Kjo njollë turpi shoqëron kandidatët e Lulzim Bashës që dalin para demokratëve duke kërkuar vota për ortakun e Edi Ramës. Dalin me fytyrën e nxirë të Lulit që urrehet masivisht nga demokratët e ndershëm dhe përçmohet për tradhtëtitë që ka kryer ndaj tyre. Luli është i pabesë po ashtu çdo kandidat që nuk skuqet dhe del në publik si kandidat i pazarit të Lulit është budalla dhe i pabesë para demokratëve. Të gjashtë kandidatët e turpit janë tradhëtar që nuk meritojnë votën e demokratëve dhe as votëne qytetarëve të tyre në bashkitë që kandidojnë.
Shpesh herë liderë të lartë arrijnë edhe të shëmtohen në fytyrë natyralisht. Kjo po i ndodh Lulzim Bashës çdo ditë. Kështu ju qëllon të shkretëve. Por nuk është turpi që shëmton. Të shëmton shpesh herëtradhëtia ndaj demokratëve që të kanë mbështëtur me çdo sakrificë.
Turpi në fytyrat e kandidatëve të Lulit është dalja jashtë e qëllimit të keq, por në një si pendesë, modelit të shprehjes së “marres” që thonë në Shkodër dhe veri. Është modeli i jo artistit-aktor, i njeriut që paraqet turpin dhe i duket në fytyrë. E në shumicën e rastit ky turp në fytyrë, nuk ka njollë në zemër. Kurse njolla në zemër…ajo… pastaj, është fatkeqësia e madhe e karakterit njerëzor.
Kjo si në 1500-tën dhe vitin 2014. Njolla në zemër bën shumë të këqija, dhe me këtë lloj zemre jeton ai individ që ka bërë turpe të cilat nuk i shpreh në fytyrë. Ka prishur morale dhe ka prishur jetë e ndërgjegje, ka prishur histori, dhe ka shkatërruar qytetërim e kulturë dhe fytyrën e ka normal?
Në fakt, nuk kanë pasur fytyrë normale as Hitleri dhe as Duçja, por jo kaq normale si fytyrë nuk e kishte as xhaxhi Enver nga fundi, dhe kjo mbase vjen nga kohëzgjatja si sundimtarë politikë, dhe padyshim kështu ju ngjan dhe atyre gjysëm sundimtarëve sot. Pastaj kur kthehen në jetë ose kur kapen rob, ju del fytyra e vërtetë Si puna e Sadamit them..!?
