Një aksident i rëndë ka ndodhur pasditen e sotme në aksin Fier-Mallakastër, në vendin e quajtur “afa e Lalarit”.
Një mjet tip “Toyota” ka humbur kontrollin, duke dalë nga rruga dhe si pasojë ka humbur jetën shoferi, shtetasi Qemal Kamberaj dhe ka mbetur i plagosur pasagjeri Asllan Kajo.
Në vendngjarje ka mbërritur ambulanca dhe Policia e cila po punon për zbardhjen e plotë të aksidentit.
Mallakastër / Informacion paraprak:
Rreth orës 15:55, në aksin rrugor “Fier-Mallakastër”, në vendin e quajtur “Qafa e Lalarit”, shtetasi Q. K., 64 vjeç, duke drejtuar automjetin tip “Toyota” ka humbur kontrollin mbi automjetin dhe ka dalë nga rruga. Për pasojë ka ndërruar jetë shtetasi Q. K , si edhe është dëmtuar shtetasi A. K., 59 vjeç, banues në Patos, i cili ndodhet në spital nën kujdesin e mjekëve. Grupi hetimor po punon për zbardhjen e shkaqeve të kësaj dalje nga rruga.
