Gazeta italiane La Republicca raporton se një tjetër tragjedi ka ndodhur në Mesdhe, ku 40 emigrantë dyshohet se kanë humbur jetën, pasi një anije u mbyt.
Sipas asaj që shkruajnë mediat në vendin fqinj, varka e madhe prej druri ku ndodheshin emigrantët, ishte nisur javën e kaluar nga Libia për në Lampedusa. Shkak për mbytjen e anijes mund të jetë bërë moti i keq.
Moti i keq me shira, por edhe temperaturat e ulëta, e kanë bërë situatën e vështirë për emigrantët, që duan të shkojnë në Europë. Pavarësisht përpjekjeve të Rojeve Bregdetare italiane, por edhe ekipeve të Frontex, anija dyshohet se është mbytur dhe kishte në bord së paku 40 njerëz.
Një vit më parë, më 2023, të paktën 2271 emigrantë kanë humbur jetën në Detin Mesdhe./La Repubblica
