Ngjarjet e fundit rreth sportistes braziliane të ekipit Dinamo kanë shkaktuar një vorbull debatash në botën e volejbollit shqiptar. Federata Shqiptare e Volejbollit (FSHV) kërkoi një test gjinie nga sportistja, por ajo e refuzoi këtë kërkesë dhe më pas u pezullua. Kjo situatë u intensifikua pas akuzave të klubit Pogradec dhe Vllaznia, të cilat ngritën dyshime mbi identitetin e saj. Gjithashtu, Partizani kërkoi në asamble një verifikim të ngjashëm.
Në përgjigje, FSHV-ja theksoi rëndësinë e transparencës dhe përmbushjes së kërkesave të klubave. Megjithatë, drejtori i Pogradecit sqaroi se në vend të testit të gjinisë, klubi kishte kërkuar një test hormonal dhe përshtatshmërie. Në këtë kontekst, edhe Klubi Sportiv Tirana ka shprehur qëndrimn e tij, duke mbështetur parimet e “fair-play”.
Sipas një komunikate për shtyp, Klubi Tiranës tha se do të mirëpresë çdo vendim nga organet kompetente që garanton transparencë dhe barazi në garë. FSHV, si organizatore, ka për detyrë të sigurojë përputhjen e kampionatit me rregulloret ndërkombëtare dhe kombëtare, duke trajtuar çdo pjesëmarrës në mënyrë të barabartë. Klubi Tirana theksoi se mbështet çdo përpjekje për të ruajtur integritetin e garës dhe për të shmangur keqkuptime, duke kërkuar që këto masa të zbatohen për të gjithë, pa dallim.
Situata filloi më 6 tetor me kërkesën nga klubi Pogradec dhe më pas përfshiu Vllazninë, ndërsa tani, më 30 tetor, edhe Tirana i është bashkuar këtij debate. Klubi Tirana apelon për dialog dhe respekt të rregullave, duke besuar se vetëm në këtë mënyrë mund të kontribuojë në avancimin e volejbollit në Shqipëri.
