Tirana ka humbur me rezultatin 1-0 “finalen e mbijetesës” me Teutën, duke e parë veten me një këmbë në Kategorinë e Parë.
Goli i vetëm i sfidës u shënua nga Beshiraj në minutën e 80.
Më parë, Jarmouni gaboi nga pika e bardhë e penalltisë për bardheblutë.
Ndërkohë, me këtë triumf Teuta shpëton nga rënia dhe sezonin e ardhshëm do të jetë në Kategorinë Superiore, ndërsa fati i bardhebluve do të vendoset të dielën e ardhshme.
Në ndeshjet e tjera, Bylisi mposhti Partizanin 1-0, duke e nxjerrë momentalisht nga “Final Four”.
Të kuqtë duhet të fitojnë ndaj Elbasanit në ndeshjen e fundit, nëse duan të luftojnë për titullin kampion.
