Ish-mbrojtësi i njohur, Thiago Silva, ka bërë një hap të ri në karrierën e tij pas nënshkrimit me ekipin e Portos. 41-vjeçari, i cili ka luajtur më parë për Milanin dhe Chelsean, mori këtë vendim pas bisedave për një rikthim te ish-klubet e tij, por duket se asnjëra nga palët nuk e ndoqi këtë mundësi me seriozitet. Kjo zgjidhje konsiderohet një rikthim për Silva, ndonëse ai kishte qënë i lidhur me Porton për vetëm gjashtë muaj në vitin 2005.
Silva shpreh dëshirën për të marrë pjesë në Kupën e Botës 2026 dhe beson se aktivizimi në një ligë evropiane mund ta ndihmojë atë për të bindur trajnerin e Brazilit, Carlo Ancelotti. Për këtë arsye, ai vendosi të ndërpresë kontratën me Fluminense. Pas nënshkrimit me Porton, i cili është zyrtarizuar në platformën X me një video, Silva shprehu kënaqësinë dhe nderin që ndjen për këtë mundësi. Ai falënderoi trajnerin Francesco Farioli, që këtë sezon drejton ekipin.
Kontrata e Silva është e vlefshme deri në qershor 2026 dhe përmban një opsion për t’u zgjatur deri në qershor 2027. Kjo lëvizje shënon një kapitull të ri në karrierën e tij dhe mund të kontribuojë në aspiratat e tij për t’u rikthyer në arenën ndërkombëtare me kombëtaren braziliane.
