Edhe gazeta e mirënjohur The Guardian ka publikuar të dhëna të rrjedhura nga hakerimi i e-maileve të ish-drejtorit të përgjithshëm të policisë, Gledis Nano, përkatësisht informacionin që lidhet me fluksin e emigrantëve shqiptarë drejt Britanisë.
The Guardian shkruan se Gledis Nano ka patur një bisedë konfidenciale me ambasadorin britanik në Tiranë Alastair King-Smith, të cilit i thotë se “vërtet na nevojitet mbështetja juaj tani dhe në të ardhmen për të luftuar krimin e organizuar”.
E-maili, sipas The Guardian zbulon edhe përqëndrimin e forcave speciale të policisë në porin e Durrësit dhe të Porto Romanos për të luftuar trafikun e kokainës.
Gjithashtu shprehet interesi i Gledis Nanos për të bashkëpunuar me autoritetet në Malin e Zi për luftën ndaj trafikut të kokainës përmes porteve kryesore të vendit.
