Detaje të reja kanë dalë në dritë lidhur me vrasjen e Marjena Nakolecit nga bashkëshorti i saj, Pandeli Nakoleci në Volos të Greqisë. Sipas informacionit nga media greke Zougla.gr, ngjarja ndodhi në apartamentin e çiftit, ku Marjena, 36 vjeçare, tentoi të shpëtonte nga sulmi i bashkëshortit të saj.
Pandeli Nakoleci, 41 vjeç, e ndoqi gruan duke përdorur një thikë që e kishte marrë nga një set në ballkon. Ai përshkroi skenën, duke thënë se fillimisht kishte arritur ta ndjekë brenda në apartament, ku Marjena përpiqej ta mbyllte derën për t’u mbrojtur. Ajo u përpoq të ikte, duke ecur në shkallë dhe korridor, por Pandeli arriti ta kapte dhe i shkaktoi lëndime të rrezikshme. Djali i tyre 13-vjeçar u përpoq të ndihmonte, por nuk arriti ta ndalte babain.
Pas kësaj ngjarjeje tragjike, Pandeli ikën me vrap nga vendi i ngjarjes me thikë në dorë për të shmangur arrestimin. Ai shprehu pendesë dhe kërkoi falje nga familja e tij, duke thënë se Marjena ishte nëna e fëmijëve të tij dhe se ai ndiheshte shumë i lënduar nga situata.
Gjatë dëshmisë së tij, ai përmendi një moment kryesor që e kishte irrituar: Marjena kishte pretenduar se një fëmijë që ajo kishte abortuar nuk ishte i tij, dhe kjo kishte nxitur reagimin e tij të dhunshëm. Ai gjithashtu tha se kishte probleme psikiatrike dhe kishte pasur një tentativë për vetëvrasje në muajin qershor, të cilën e kishte parandaluar djali i tij.
Ngjarja ka goditur thellë komunitetin dhe familjarët, duke nxjerrë në pah problemet e dhunës në familje dhe pasojat e saj tragjike. Rasti është ende në hetim dhe situata e sa mëtejshme do të varet nga zhvillimet e pritshme në gjyq.
