Sipas Televizionit të Marokut numri i viktimave nga tërmeti i fuqishëm në Marok me magnitudë 6.8 ballë ka arritur në 632 dhe 329 persona të tjerë kanë mbetur të plagosur.
Gjithashtu edhe zona turistike Marrakesh është dëmtuar nga tërmeti. Shumë banorë të Marrakesh, janë frikësuar dhe e kanë kaluar natën jashtë.
REAGIMI NGA MBARË BOTA:
Reagime nga Bashkimi Evropian pas tërmetit katastrofik me rreth 300 të vdekur në Marok.
“BE është e gatshme të mbështesë Marokun në këto momente të vështira. Mendimet e mia shkojnë për të gjithë ata që janë prekur nga kjo tragjedi dhe për shpëtimtarët e përfshirë në operacionet e kërkimit”, tha presidenti i Këshillit Evropian, Charles Michel, nga G20 në Nju Delhi.
Presidentja e Komisionit të BE-së, Ursula von der Leyen shprehu gjithashtu solidaritet me gjithë zemër me popullin maroken.
“Mendimet e mia shkojnë për familjet e viktimave, për të plagosurit të cilëve u uroj shërim të shpejtë dhe për përgjigjet e parë që janë duke kryer një punë të admirueshme”.
Kancelari Olaf Scholz gjithashtu i ka shprehur ngushëllime popullit të Marokut nga margjinat e samitit të G20-ës që po marrin pjesë në Indi.
“Ky është një lajm i tmerrshëm nga Maroku. Në këto orë të vështira, mendimet tona janë me viktimat e tërmetit shkatërrues”, shkroi Scholz të shtunën në X, i njohur më parë si Twitter.
Ndërkohë, Kombet e Bashkuara janë të gatshme të ndihmojnë qeverinë marokene pas tërmetit të fortë që goditi vendin, njoftoi organizata të shtunën.
“Sekretari i Përgjithshëm shpreh solidaritetin e tij me qeverinë dhe popullin e Marokut në këto kohë të vështira. Ai u drejton ngushëllimet më të sinqerta familjeve të viktimave dhe uron shërim të shpejtë të lënduarve”, thuhet në deklaratën e OKB.
