Panik ka shkaktuar në Turqi tërmeti i madh prej 6,2 ballë që ndodhi mesditën e së mërkurës në Stamboll, si dhe paslëkundjet e fuqishme që pasuan.
Në këtë kontekst, guvernatori i qytetit, Davut Gül, shkoi në selinë e shërbimit të emergjencave dhe menaxhimit të fatkeqësive (AFAD) për t’u informuar mbi ecurinë e hetimeve.
Ndërkohë, në njoftimin e lëshuar nga zyra e tij, u bë e ditur se 151 persona u plagosën pasi, gjatë tërmetit të madh, u panikosën dhe u hodhën nga lartësi.
The moment a person jumped from the balcony earthquake İstanbul#Deprem#istanbul pic.twitter.com/mka3eJfDb4
— Hussein jafo (@HusseinJafo) April 23, 2025
“Në orën 15:30, nuk ka pasur ndonjë zhvillim negativ për shkak të tërmetit 6,2 ballë që të ndikojë jetën e qytetarëve, furnizimin me energji, infrastrukturën, furnizimin me gaz natyror, ujë të pijshëm apo sistemin e kanalizimeve. Nuk ka pasur humbje jete”, thuhej në njoftim.
Gjithashtu u shtua: “Vazhdon trajtimi në spitale i 151 qytetarëve që u plagosën duke u hedhur nga lartësia nga paniku, dhe asnjëri prej tyre nuk është në rrezik për jetën. Nuk ka dëmtime në banesa në qytet. Një ndërtesë e braktisur u shemb në lagjen Fatih, por nuk pati as viktima dhe as të plagosur. Punimet e njësive përkatëse në terren vazhdojnë.”
Turkish media: according to preliminary data, 151 people were injured jumping from a height during the #earthquake.
For example, in #Istanbul, a man panicked during an earthquake and threw himself out of a window, breaking his leg. #Turkey #Silivripic.twitter.com/zASEddAUBM— Karina Karapetyan (@KarinaKarapety8) April 23, 2025
