Deputetja Ina Zhupa ka reaguar ndaj vendimit të Gjykatës Kushtetuese, e cila rrëzoi padinë e Partisë Demokratike për shfuqizimin e ligjit që lejon ndërtimet në Zonat e Mbrojtura, duke përfituar nga ky ligj “strategjikët” e Qeverisë. Në një postim në rrjetet sociale, Zhupa shpalli se do të çojnë këtë çështje në Strasburg për të mbrojtur Shqipërinë dhe për të kërkuar të drejtat e mohuara nga drejtësia vendase.
Ajo e kritikoi ndarjen 4 me 4 të gjyqtarëve, duke e cilësuar si një manovër për të shmangur përgjegjësinë për shkatërrimin që kërcënon zonat e mbrojtura. Zhupa theksoi se nuk ka asnjë bazë juridike dhe morale për këtë ndarje, dhe se është fatkeqësi që një ligj antikushtetues vazhdon të jetë në fuqi. Sipas saj, ky është një dështim për Gjykatën Kushtetuese dhe për vendin.
Zhupa citon praktikën e Gjykatës Europiane të të Drejtave të Njeriut, e cila dënon ndarjen e votave në mënyrë të barabartë si jo efektive për sigurimin e një vendimi përfundimtar. Ajo e akuzon gjykatën për mosrespektim të standardeve europiane dhe për përputhje me kërkesat e pushtetit.
Deputetja falenderoi organizatat mjedisore dhe avokatët që kontribuan në këtë proces, duke theksuar se zonat e mbrojtura do vazhdojnë të mbrohen, për shkak të detyrimeve kushtetuese ndaj brezave të ardhshëm. Dëshira e saj është të lërë pas një Shqipëri më të mirë, përballë rrezikut të betonizimit dhe shkatërrimit.
