Aventurës së Marc Andre Ter Stegen te Barcelona po i vjen fundi, sipas raportimeve nga Sky Sport Deutschland. Portieri gjerman po e shqyrton mundësinë e largimit nga klubi katalanas, çka ka nxitur spekulime në Angli për destinacionet e tij të mundshme.
Sipas portalit ‘Tbrfootball’, disa klube të Premier League, përfshirë Chelsea, Manchester United, Tottenham dhe West Ham, kanë shfaqur interes për Ter Stegen. Ai, që parashikohet të rikthehet në fushë në muajin dhjetor, shpesh ndjehet i kufizuar në minutat e lojës te Barcelona dhe ka ambicie të luajë më shumë për të siguruar një vend në skuadrën gjermane për botërorin e ardhshëm.
Vlerësimi i situatës nënkupton se Te Stegen, për shkak të pagës dhe dëmtimit, mund të largohet nëpërmjet një huazimi. Agjentët e tij kanë filluar të eksplorojnë mundësitë për një transferim, me shpresën për të përfshirë një opsion blerjeje në marrëveshje. Ky skenar mbetet për t’u parë nëse klubet e interesuara do të pranojnë këtë formulë, duke patur parasysh pozitat e tyre financiare dhe nevojat për përforcime në rolin e portierit.
