SHKODËR– Enea Busukja, ndaj të cilit u krye një atentat me tritol në makinë në lagjen “Ndoc Mazi” një ditë më parë, ka dhënë dëshminë para efektivëve të policisë. Mësohet se 38-vjeçari ka deklaruar se nuk ka konflikte me askënd dhe nuk ka asnjë dyshim se nga kush mund t’i ketë ardhur kjo ngjarje e rëndë.
Busukja: Nuk kam konflikte me persona të tjerë dhe nuk kam asnjë dyshim se nga mund t’i ketë ardhur kjo ngjarje.
Atentati ndaj punonjësit te Tatimeve në Shkodër ndodhi mesditën e djeshme ku blute bënë me dije se tritoli në makinën e tij ka shpërthyer teksa ky i fundit ka hyrë në makinë. Nga shpërthimi Busukja mbeti i lënduar dhe ndodhej në spital jashtë rrezikut për jetën.
Ndërkohë, policia e Shkodrës ka shoqëruar disa persona për t’i marrë në pyetje, por deri tani nuk ka të dhëna për autorët e vendosjes së lëndës shpërthyese.
