Reali i Madridit festoi një fitore të rëndësishme në El Clasico ndaj Barcelonës, duke mundur këtë të fundit me rezultatin 2-1. Ky sukses vjen pas një serie humbjesh prej katër ndeshjesh radhazi ndaj rivalëve të tyre të përbetuar.
Tensioni në fund të ndeshjes arriti kulmin, ku shkaktoi një sherr masiv mes lojtarëve, me protagonistë Vinicius Jr dhe Dani Carvajal. Situata ishte e tillë saqë ndërhyri Policia Kombëtare Spanjolle për të qetësuar lojtarët e irrituar të të dyja skuadrave. Vinicius, duke provokuar pankinën katalanase, nxis një incident që përfshiu edhe mbrojtësin e Realit, Carvajal, i cili e detyroi Lamine Yamal të mbante gojën mbyllur.
Yamali, një talent i ri i Barcelonës, kishte bërë disa ditë më parë një deklaratë provokative që i ndoqi nga afër ndeshjes. Ai e kishte krahasuar Realin e Madridit me skuadrën e Kings League, Porcinos, duke thënë se “vjedhin dhe ankohen.” Pasi e tha këtë, Yamal u përball me thirrjet e tifozëve të Realit gjatë gjithë ndeshjes. Në fund, ai u bë një objektiv për lojtarët e Los Blancos, duke tregon se tensionet përtej fushës ishin të pranishme.
Kjo fitore për Realin është një hap i rëndësishëm për të rivendosur besimin e skuadrës pas periudhës së vështirë. Ndërsa rivaliteti me Barcelonën vazhdon të jetë i nxehtë, episodet jashtë fushës dëshmojnë se emocionet mund të dalin jashtë kontrollit, duke shtuar një dimension të ri tensionit që i përcjell këtyre ndeshjeve mitike.
