Përfaqësuesi i Lartë i BE-së, Joseph Borrell ka zhvilluar bisedë telefonike me kryeministrin Albin Kurti dhe Aleksandër Vuçiç, pas rritjeve të tensioneve mes dy vendeve.
Borrell në një deklaratë bën thirrje që të dy palët të përmbahen nga çdo veprim i njëanshëm, i cili mund të çojë në tensione të mëtejshme.
“Zhvillimet e fundit në marrëdhëniet ndërmjet Kosovës dhe Serbisë i vënë në rrezik vitet e punës së palodhur dhe arritjet e arritura në kuadër të Dialogut të ndërmjetësuar nga BE-ja ndërmjet Beogradit dhe Prishtinës dhe pengojnë situatën e sigurisë në rajon dhe më gjerë” tha ai.
Borrell u shpreh se dorëheqja e serbëve nga institucionet në veri të Kosovës nuk është zgjidhje.
“Ne i bëjmë thirrje Serbisë dhe përfaqësuesve të serbëve të Kosovës që të respektojnë obligimet e tyre të Dialogut dhe të kthehen në institucionet e Kosovës për të përmbushur detyrat e tyre, duke përfshirë policinë, gjyqësorin dhe administratat lokale” u shpreh ai.
Ndër eëtë tjera ai kërkoi Kosovës që të zgjatin menjëherë procesin e riregjistrimit të automjeteve duke e pezulluar kështu edhe vendimin për ndërshkimin e automjeteve me targa KM.
“Në të njëjtën kohë, BE-ja përsëri u kërkon autoriteteve të Kosovës që të respektojnë detyrimet e tyre pa vonesë. Kjo nënkupton zgjatjen e menjëhershme të procesit të riregjistrimit të automjeteve dhe pezullimin e çdo veprimi ndëshkues ndaj mbajtësve të targave KM. Çështja e targave mund të zgjidhet nga Palët në kuadër të Dialogut” thuhet në deklaratë.
