DUBAI- Tre shqiptarët e akuzuar për përfshirje në grupe kriminale Ado Xhika, Maksim Koçi dhe Ervis Daka janë 3 personat që do të ekstradohen sot nga Dubai në Shqipëri. Ndryshe ata njihen si “ushtarët” e të shumëkërkuarit të drejtësisë Talo Çela, u arrestuan një muaj më parë në Dubai.
Maksim Koçi ka marrë pjesë në vrasjet e K. K. dhe I. A. Ai ka siguruar kushtet/mjetet për vrasjen e A. S. dhe A. C. alias A. S dhe ka ndihmua të shumëkërkuarin Talo Çela për t’u fshehur.
Nga ana tjetër Daka akuzohet se ka informuar shtetasit që kanë tentuar të vrasin K. P., në lidhje me lëvizjet e tij. Ai ka siguruar kushtet/mjetet për vrasjen e A. S. Po ashtu ka strehuar dhe ka transportuar dhe i ka siguruar kushtet e nevojshme për jetesë, shtetasit të shumëkërkuar Talo Çela.
Ndërkohë, Ado Xhika akuzohet se për rreth 2 vjet, ka ndihmuar Talo Çelën duke i krijuar kushtet e nevojshme për jetesë. Po ashtu ka shoqëruar 1 gazetar, me qëllim intervistimin e Çelës.
