Laer Kurti është i riu i radhës që gjeti vdekjen në duart e efektivë të Komisariatit numër 3 në Tiranë. Hetimet do sqarojnë përgjegjësinë e strukturave të rendit për vdekjen e 32 vjecarit, por fakt është se në rastin e shoqërimit tij janë shkelur rëndë protokollet dhe askush nuk mundet të justifikojë mungesën e një ambulance kur Komisariati numër 3 nuk është më larg se 1500 metra me Spitalin e Traumës.
Në 24 maj të 2022 po në ambientet e brendshme të Komisariat numër 3 do të vritej me armë zjarri efektivi i policisë, Çaush Saliasi, nga kolegu i tij Ludjan Zaimi
Në 20 maj të 2018 në Komisariatin e Korçës do ndërronte jetë pas torturave të policisë Enea Ftoj, vetëm 27 vjeç, I cili ishte arrestuar për vjedhje. Familja akuzoi drejtuesit e policisë, por hetimet nuk u çuan asnjëherë deri në fund.
Në 3 gusht të 2022 do regjistrohej tragjedia e Potamit, ku 7 vjeçarja Jonada Avdiaj do humbte jetën pasi do goditej nga skafi që drejtohej nga efektivi i policisë Arjan Tase. Ngjarja e rëndë u pasua me protesta masive në disa qytete të vendit.
6 shtator 2022 Thoma Konomi, 57 vjeç nga Gjirokastra ka ndërruar jetë në Sanatoriumin e Tiranës 10 ditë pasi ishte arrestuar nga Policia Kufitare e Kakavijës Vëllai i tij pretendoi se Konomi ndërruar jetë për shkak të rrahjes nga policët e kufirit. Ai është vëllai i Franc Konomit, i ekzekutuar në Tiranë vite më parë.
243 efektivë policie janë venë në hetim për vepra të ndryshme penale përgjatë periudhës janar shtator 2022, teksa 61 prej tyre janë prangosur.
Këto shifra janë tregues se armata e Policisë së Shtetit ka krizë keqmenaxhimi dhe kthimi I saj në shina nuk është prioritet I strukturave përgjegjëse dhe sot fatkeqësisht policia nuk e ka besimin e qytetarëve. /Përgaditi Elkier Bushkola/
