TIRANË- Petro Gjikuria, kandidati për kryetar bashkie në Himarë ka një përgjigje për ftesën që i bëri dje kundërshtari i tij në zgjedhjet e 4 gushtit në Himarë, Vangjel Tavo. Në një intervistë të dhënë për mediat greke, Tavo i bëri një ftesë publike kundërshatrit të tij, që në rast se ky i fundit humbet zgjedhjet, të bëhet nënkryetar i bashkisë Himarë.
Përgjigjen e mori nga Gjikuria.
“Nuk e kisha dëgjuar këtë, më gjetët pa përgatitur. Unë dua ti them zotit Tavo, po nëse fitoj unë çfarë do bëj ai? Dua ta pyes unë atë, çfarë do bëjë ai? Unë jam fitues pa diskutim, do flasim në ditët në vazhdim,”- tha Gjikuria gjatë një interviste në “Euroneës”.
Opozita shqiptare ka caktuar kandidatin Petro Gjikuria, si garues përballë Vangjel Tavos, në zgjedhjet e pjesshme të Himarës, të cilat do të mbahen më 4 gusht. Gjikuria, një shtetas shqiptaro-amerikan që vjen nga bota e biznesit dhe një nga investitorët më të njohur në zonën e jugut të Shqipërisë.
Zgjedhjet e Himarës do të mbahen më 4 gusht, pas dekretimit të presidentit Bajram Begaj. Kjo, pasi mandati i kryetarit të zgjedhur të Bashkisë Himarë, Fredi Beleri, u shpall i pavlefshëm nga Komisioni Qendror i Zgjedhjeve, pasi ai është dënuar së fundmi me vendim të formës së prerë për korrupsion aktiv në zgjedhje.
