Koment nga Timoni.al
Nëse ka një gjë që Edi Rama di ta bëjmë më së miri, përveçse të vjedhë, është propaganda që i bën këtij aktiviteti kriminal. Kryeministri ka një talent të veçantë që pasi fut duart thellë në xhepat e atyre që supozohet se duhet ti shërbejë, rreket tu hedhë trutë e gomarit se kjo është një procedurë e ecjes përpara.
Një nga shembujt e shumtë është afera e inceneratorëve që në vend të djegies së plehrave dhe prodhimit të energjisë – siç parashikon kontrata mes qeverisë nga njëra anë dhe kompanive të Zotos e Mërtirit nga ana tjetër – po i vë flakën parave të shqiptarë dhe po prodhon më shumë të tilla për oborrtarët e një pushteti prej 1001 skandalesh dhe në vazhdim…
Në këtë linjë po shkon dhe ministri i ri i Brendshëm Taulant Balla.
Ky i fundit duket se e ka marrë me gaz postin që thuhet se e priste prej vitesh. Aq sa për çdo aksion rutinë të policisë bën ndonjë reagim në Facebook.
Këtë të Hënë, policia njoftoi zbulimin dhe asgjësimin e rreth 1200 bimë kanabisi në zonën e Krujës. Aksioni, siç njoftoi vetë enti nën varësinë e Ministrisë së Ballës, vjen në kuadrin e operacionit “Territor i pastër” dhe është i 29-ti i këtij lloji. Dhjetëra të ngjashëm u bënë në kohën e paraardhësit të tij, që megjithatë nuk mbahet mend të ketë shitur mend për të tilla aksione rutinë. Edhe pse dhe ai ishte padyshim i prekur nga sindroma propagandë që të “Rilindja” i gjen me shumicë.
Mburrje bajate si të zotit Taulant nuk kujtohen as nga ministri që helmonte me gaz qytetarët në protesta, as nga ai me vëllanë trafikant droge dhe as nga i pari, që me hashashin kishte një marrëdhënie shumë të veçantë.
Taulant Balla megjithatë, duket se ka vendosur të ketë një qasje ndryshe nga paraardhësit për spërkatjen e pordhëve të policisë me propagandë alla Rama.
Mos vallë vjella e propagandës ka një lidhje të pandashme me numrin e shokëve kriminelë?! Shefi i tij politik ka shumë të tillë, madje thuhet se është aq i apasionuar për të pasur lidhje me burgaxhinj, sa që jep një kontribut të çmuar edhe vetë për ti futur miqtë te shtatë penxheret. Nga krahu tjetër, edhe Taulant Balla i Librazhdit nuk mbetet pas në këtë aspekt.
Lidhjet e tij me emra të botës së krimit, të faktuara apo denoncuara, përbëjnë një listë jo modeste.
Ose ndoshta aq shumë e do liderin sa i ka marrë dhe veset. Në fund të fundit i ka ndenjur për shumë vite nga pas dhe i ka shërbyer jo pak.
