TIRANA- Avokatja e Popullit, Erinda Ballanca ka marrë pjesë sot në takimin me temë “Përtej monitorimit: Drejt një reformë zgjedhore gjithëpërfshirëse për integritetin e zgjedhjeve në Shqipëri”. Ballanca tha se gjuha e përdorur gjatë fushatës ka vazhduar të jetë kontraverse.
Gjithashtu Ballanca tha se këto zgjedhje i janë dukur pak më mirë sesa të mëparshmet. Ajo shtoi se ka ndjerë një lloj vetëpërmbajtjeje nga të tëra anët e politikës.
“Gjuha e përdorur gjatë fushatës ka vazhduar të jetë kontraverse. Ndoshta edhe jemi mësuar me këtë gjuhën e ashpër, por ndoshta këto zgjedhje më janë dukur pak më mirë sesa të mëparshmet. Kam ndjerë një lloj vetëpërmbajtjeje nga të tëra anët e politikës.
Ne kemi një aleancë për mbrojtjen nga diskriminimit, AMA dhe një nga organet e medias shqiptare Këshilli i Medias dhe më duhet të them se raporti u përgatit, u pranua nga të tre pjesëmarrësit e kësaj aleance dhe njëri nga organet e pavarura nuk ra dakord që të bëhej publik. Në nivelin e institucionit të pavarur, tha që nuk jam dakord që të publikohet në këtë nivel“, tha Ballanca.
