UEFA po shqyrton ndryshimin e formatit të kualifikuesve për Kampionatet Botërorë dhe Evropianë, sipas të përditshmes franceze ‘L’Equipe’. Qeveria e futbollit evropian ka për qëllim të parandalojë ndeshjet e mërzitshme dhe të paekuilibruara, duke ofruar më shumë sfida direkte mes skuadrave të mëdha.
Diskutimet për këtë format kanë filluar prej kohësh, dhe UEFA po mendon të aplikojë një model të ngjashëm me atë të Ligës së Kampioneve. Presidenti Aleksander Čeferin e theksoi këtë çështje gjatë Samitit të Futbollit në Lisbonë, ku përmendi mundësinë e prezantimit të një formati më modern. Së veçanti, Nations League po shqyrtohet si një model për kualifikim, që mund të krijojë një grup të vetëm me 54 skuadra apo dy grupe me nga 27.
Ky model i ri do të ofronte më shumë sfida mes kombëtareve të njohura, duke mos prekur shanset e skuadrave më të vogla. Megjithatë, çdo ndryshim do të hyjë në fuqi pas vitit 2028, kur skadojnë të gjitha kontratat aktuale për transmetimet televizive.
Zhvillimi i një formati të tillë do të sillte përfitime ekonomike edhe për federatat, duke rritur të ardhurat përmes marrëveshjeve televizive dhe duke krijuar ndeshje më atraktive dhe spektakolare.
