Bledi Mane ka pranuar që të dalë vetë nga shtëpia e “Big Brother Vip Albania”, pa dëgjuar vendimin e publikut. Ai ishte në nominim me Luizin dhed Kiarën.
Këtë vendim, ai ja ka bërë me dije moderatores Arbana Osmani dhe banorëve të tjerë që në nisje të spektaklit të sotëm. Ai deklaroi se nuk dëshiron që të vazhdojë mëkatin e Olta Gixharit për ndarjen e çiftit Luiz-Kiara.
Gazetari shtoi më tej se Kiara duhet të qëndrojë edhe më shumë në shtëpi, sepse ai e sheh si një mbështetje ndaj Luizit, por edhe shtëpisë si një model i qetësisë që ajo ka përcjellë.
Ai e cilësoi Kiarën si një balancë për të qetësuar “gjakërat” mes banorëve në shtëpi, të cilët kanë nisur një luftë të ashpër mes njëri-tjetrit.
