Sekretari Amerikan i Shtetit, Antony Blinken ka zhvilluar një bisedë telefonike me kryeministrin Edi Rama.
Lajmin e ka bërë me dije ambasada e SHBA në Tiranë, ku shkruan se Blinken ka biseduar me Ramën dhe se ka dënuar sulmin kibernetik të 9 shtatorit kundër sistemeve TIMS.
Ndër të tjera Blinken ka theksuar rëndësinë e bashkëpunimit SHBA-Shqipëri, si aleatë në NATO për sigurinë rajonale
“”Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik. Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale”. – Zëdhënësi i Departamentit të Shtetit të SHBA, Ned Price” thuhet në njoftimin e ambasadës.
