SHBA- Presidenti amerikan Donald Trump, është shprehur se Irani ndodhej disa javë “larg” krijimit të një arme bërthamore. Sipas tij, iranianët nuk lëvizën në vend tjetër uraniumin, sepse nuk mendonin se Shtetet e Bashkuara do t’i sulmonin. Trump tha se ata nuk do të provojnë tani për të krijuar ndonjë armë bërthamore.
Gjithashtu Trump njofton se do të presë në ambientet e Shtëpisë të Bardhë, të gjithë pilotët të cilët bombarduan Iranin në emër të SHBA-ve. Nga ana tjetër, Trump shprehet se personat e Inteligjencës të cilët kanë nxjerrë të dhëna nga sulmet amerikane ndaj Iranit, duhet të ndiqen penalisht.
Në një intervistë për Fox News, presidenti tha se është duke shqyrtuar seriozisht ndjekje penale ndaj gazetarëve që publikuan pjesë nga raporti sekret.
“Ata mund ta zbulojnë lehtësisht. Dhe ti shkon dhe i thua gazetarit, ‘Siguria kombëtare, kush e dha?’ Duhet ta bësh këtë”, tha Trump.
