ANGLI- Një studente 14-vjeçare u plagos rëndë pasditen e së hënës pas një sulmi me acid. Mësohet se ngjarja ndodhi jashtë shkollës së 14-vjeçares në Londrën perëndimore. Një tjetër adoleshent dhe një anëtar i stafit të shkollës u plagosën gjithashtu në sulm.
Vajza ndodhet në spital me plagë shumë të rënda. Policia Metropolitane deklaroi se po vijojnë hetimet për identifikimin dhe kapjen e autorëve. Duhet të theksohet se edhe dy oficerë policie u dërguan në spital nga Shërbimi i Ambulancës në Londër si masë paraprake pasi raportuan se nuk ndiheshin mirë.
Një zëdhënës i policisë theksoi se procesi i konstatimit të substancës është në vijim. “Në këtë fazë oficerët besojnë se është acid,” vuri në dukje ai. Shkolla mbetet e mbyllur dhe mësimi zhvillohet me mësim në distancë.
