NASA ka bërë një zbulim të rëndësishëm në kërkimin për gjurmë jete jashtë Tokës nëpërmjet roverit Perseverance, i cili eksploron Marsin që nga viti 2021. Ky rover ka identifikuar komponime organike dhe minerale në kraterin Jezero, një zonë që dikur ishte një pellg liqeni i shkrirë nga përrenj, duke krijuar një ambient të favorshëm për zhvillimin e jetës mikrobike. Zbulimet, të publikuara në revistën shkencore Nature, përfshijnë molekula karboni, vivianit dhe greigit, të cilat mund të kenë origjinë biologjike ose gjeokimike.
Gjatë misionit, Perseverance ka mbledhur mbi 30 mostra, të cilat do të përdoren për një mision të ardhshëm për kthimin e mostrave në Tokë. Njëra nga këto mostra, e quajtur “Sapphire Canyon”, përmban kimikate të veçanta që reflektojnë historian klimatike dhe gjeologjike të Marsit. Të dhënat tregojnë se molekulat organike, së bashku me mineralet e zbuluara, janë të lidhura me proceset mikrobike në mjedise ujore, mirëpo shkencëtarët theksojnë që këto komponime gjithashtu mund të formohen nga procese jo-biologjike.
Këto gjetje janë përshkruar si “biofishnkrita të mundshme” nga Joel Hurowitz, autori kryesor i studimit, i cili thekson se ndonëse nuk është provuar ekzistenca e jetës në Mars, ky zbulim është një hap i rëndësishëm drejt analizave më të thelluara. Fotografitë e formacioneve mikroskopike si “fara lulekuqeje” dhe “njolla leopardi” tregojnë përqendrime të larta karboni dhe minerale që lidhen me aktivitetin mikrobik.
Misioni i NASA-s është duke u zhvilluar në bashkëpunim me organizata të tjera ndërkombëtare, si Instituti Kombëtar Italian për Astrofizikë (INAF), që tregon rëndësinë globale të kërkimit astrobiologjik. Tani është përqendruar në kthimin e mostrave në Tokë për studime më të thella, megjithatë plani për projektin e Mars Sample Return është vonuar për shkak të kostove të larta. Ky zbulim mund të përshpejtojë procesin dhe pritet të realizohet në vitet 2040, duke ofruar të dhëna premtuese për kushte të favorshme për jetë në Mars në të kaluarën.
