Mitingun elektoral të Partisë Demokratike dhe Aleancës Shqipëria Madhështore në Pukë e hapi studentja Erisa Meçi, e cila mori fjalën për të përfaqësuar zërin e brezit të ri.
Ndërsa qeveria Rama po detyron të rinjtë të largohen nga vendi, Meçi theksoi se ndryshimi mund të vijë vetëm përmes PD, forcës politike që vendos të rinjtë dhe punësimin në qendër. Ajo vlerësoi Partinë Demokratike si një forcë që u jep zë të rinjve dhe ka vizion për një Shqipëri më të drejtë ndërsa një thirrje kishte dhe për të rinjtë e pavendosur
Është koha të zgjohemi të mos qëndrojmë indiferent, sepse mosveprimi është votë për vazhdimin e të njëjtës qeveri që na ka lënë pa të ardhmen.
“Qëndroj para jush jo vetëm si e re që beson tek ndryshimi por si zë i gjeneratës sonë. I një brezi plot energji por që prej vitesh është detyruar të shohë përtej kufijve për një të ardhme më të mirë.
Shumë prej nesh jemi rritur me shpresën se Shqipëria do të bëhet vendi ku ndërton jetën dhe familjen tënde pa u detyruar të largohesh por kjo shpresë është në rënie. Shkaku është i qartë. Statistikat flasin vetë. Çdo ditë dhjetra të rinj largohen se nuk gjejnë mundësinë që të krijojnë jetën e tyre këtu.
Ata ikin se sot në Shqipëri nuk ka meritokraci, nuk ka mbështetje për iniciativën e të rinjve, s’ka siguri për të ardhmen. Por unë e shumë të tjerë si unë nuk e pranojmë këtë fakt dhe besojmë se Shqipëria mund të ndryshojë. E ky ndryshim vjen vetëm përmes një force që dëgjon zërin e të rinjve dhe vendos dinjitetin e punësimin në qendër të politikës së saj. Kjo është Partia Demokratike që nuk frikësohet nga rinia por i jep zë. Një parti që ka vision të qartë për një Shqipëri të drejtë e të barabartë për të gjithë.
Është koha të zgjohemi të mos qëndrojmë indiferent, sepse mosveprimi është votë për vazhdimin e të njëjtës qeveri që na ka lënë pa të ardhmen. Le ta zgjedhim ne përfaqësuesin tonë në parlament që do të ngrejë zërin tonë në parlament. Le të votojmë për PD-në e ndryshimin. Le të votojmë për Ludovik Hasanin”, tha studentja Meçi.
