Prokuroria e Posaçme Kundër Korrupsionit dhe Krimit të Organizuar ka zbardhur akuzën ndaj avokatit Bardh Koçi, i cili në vitin 2021, ndërsa ishte auditues në Kontrollin e Lartë të Shtetit, kërkoi dhe mori 1000 euro nga një shtetase për të ushtruar ndikim në vendimarrjen e gjyqtarit që po shqyrtonte çështjen e saj.
Gjyqtarja kishte akuzuar këtë shtetase për falsifikim dokumentash. SPAK ka nisur hetimin për veprat penale të “ushtrimit të ndikimit të paligjshëm” dhe “shpërdorim të detyrës”.
Pas kërkesës së prokurorisë, Gjykata e Posaçme vendosi masën e “arrestit në shtëpi” për avokatin B.K. dhe “detyrim për tu paraqitur në policinë gjyqësore” për shtetasen P.M. Hetimet kanë vazhduar me kontroll në disa banesa, duke përfshirë edhe ato të ekspertëve dhe oficerëve të Policisë Gjyqësore në Tiranë.
