Prokuroria e Posaçme kundër Korrupsionit dhe Krimit të Organizuar ka dërguar një kërkesë për konfiskimin e pasurive të sekuestruara nga Gjykata e Posaçme, në kuadër të procedimit pasuror nr.8 të vitit 2024, për dy shtetas, J.M. dhe M.D. Të dy individë janë nën hetim pasuror sipas Ligjit nr. 10192 dhe po gjykohen për krime lidhur me korrupsionin dhe krimin e organizuar.
Hetimet kanë zbuluar se pasuritë e tyre, të cilat përfshijnë apartamente, njësi shërbimi, vila dhe tokë bujqësore në disa zona, janë të pajustifikuara për nga burimet e fitimit. Sipas ligjit për parandalimin e krimit të organizuar, është dyshuar se këto pasuri janë rezultat i aktivitetit kriminal.
Lista e pasurive të kërkuara për konfiskim përfshin:
– Apartamente dhe njësi banimi në Tiranë
– Njësi shërbimi në Bulevardin e Ri
– Vila në Gjirin e Lalzit
– Sipërfaqe toke në Mazrek, Kashar dhe Sauk
– Garazhe në Njësinë Administrative nr. 9, Tiranë
– Automjete marka BMW dhe Audi
– Kuota në shoqërinë “SUPER FOODS” sh.p.k.
– Llogari bankare në Union Bank me balanca në euro dhe lekë.
Vlera totale e pasurive për të cilat kërkohet konfiskimi arrin në 1,976,870 euro dhe 9,330,062 lekë. Struktura e Posaçme mbetet e angazhuar për zbatimin e ligjit dhe mbrojtjen e interesit publik në këto çështje.
