Të premten e kaluar, Sali Berisha u thirr nga SPAK si person në dijeni për ngjarjen e 21 janarit 2011. Sipas burimeve nga Kuvendi, praktikë e zakonshme është që kërkesat nga SPAK ose institucione të tjera për deputetë dërgohen te grupet parlamentare përkatëse.
Në rastin e Berishës, grupi parlamentar i Partisë Demokratike refuzoi të pranojë kërkesën e SPAK për marrjen në pyetje të deputetit. Në këto kushte, burimet sqaruan se është e zakonshme që Kuvendi të kthejë një përgjigje institucionit që ka bërë kërkesën, në këtë rast SPAK.
Përmes një shkrese, Kuvendi ka informuar prokurorinë e Posaçme për vendimin e mospranimit të fletë-thirrjes për Berishën nga grupi parlamentar i PD. Kjo situatë nënkupton një konflikt mes autoriteteve ligjore dhe institucioneve parlamentare, duke shtuar tensionin politik në vend.
