Nata e katërt e spektaklit të famshëm, Big Brother VIP 3 starton në orën 21:00.
Spektaklin do të keni mundësi ta ndiqni në transmetimet e Top Channel, në dy kanalet e dedikuara të Digitalb si dhe në kanalin zyrtar të Top Channel në Youtube.
Këtë mbrëmje Vëllai i madh do të vendosë për fatin e banorëve, të cilët kanë thyer rregullat në shtëpinë më të famshme në Shqipëri.
Që në javët e para, janë ndezur debate të forta mes banorëve, ndërsa Drini Zeqo vendosi të lërë garën, pas një problemi familjar.
Big Brother Vip Albania nuk është thjesht një reality show televiziv i zakonshëm. Në Shqipëri ky program është një fenomen social që mbërthen fort jo vetëm vëmendjen por edhe debatin publik.
Jeta e personazheve VIP do mbahet nën vëzhgim nga 100 kamera dhe shumë mikrofona që ndodhen të të gjitha ambientet. Një teknologji avangard televizive për formatet reality show.
Big Brother Vip këtë vit vjen nën moderimin e Ledion Liços, shoqëruar nga dy opinionistët zyrtarë Arbër Hajdari dhe Ori Nebiaj, netët e spektaklit premtojnë të jenë të gjata dhe plot surpriza.
