Sekretari i Përgjithshëm i Partisë Demokratike, Flamur Noka ka bërë me dije se protesta e radhës, pas kësaj që do të zhvillohet sot para parlamentit, do të jetë ditën e enjte. Ai u shpreh se tashmë e në vijim do të ketë dy Parlamente, ai brenda me deputetët dhe ai jashtë me qytetarët.
Noka akuzoi kryeministrin Edi Rama gjatë një interviste në “Neës 24”, duke thënë se kërkon eliminimin e PD-së,ndërsa shtoi se opozita nuk do të ndalet me protesta, deri në mos bindje civile.
Noka: Protesta e së shtunës ishte ndër më madhështoret. Protesta e sotme është vijimi i revolucionit demokratik. Pas kësaj të sotmes, protesta tjetër do të jetë enjten, pasi parlamenti është shndërruar në një fole ku krimi dhe korrupsioni janë bashkë.Edi Rama kërkonte likujdimin e PD.
Ai e urren demokracinë. Rama kurrë nuk do ta marrë peng PD-në.Ai e di faturën që do të paguajë. Rama goditi në zemër aleatin tonë strategjik. Ne sapo kemi nisur, nuk do të ndalemi, nuk do të marrë peng flamurin e PD-së, do të shkojmë deri në mosbindje civile. Të gjitha aferat kanë një emër: Edi Rama.
Përveç pengut Alibasha, demokratët duan t’i shkojnë deri në fund kauzës sonë. Ky Parlament ose do t’i rikthehet legjitimitetit, ose Parlament duke zhdukur opozitën nuk do të ketë! Sot do të ketë dy Parlamente dhe do të ketë në vazhdim, një Parlament brenda dhe një Parlament jashtë, ai i qytetarëve. Edi Rama nuk mundet t’a kalojë këtë situatë.
“Sot është tjetër skenar, por mesazhet janë dërguar”, shtoi Noka teksa u pyet nëse do të ndiqet i njëjti itinerar si ditën e shtunë.
