Pas një përvoje zhgënjyese në Courchevel, Francë, skiatorja shqiptare Lara Colturi kthehet këtë fundjavë në pistën e Semmering në Austri për të marrë pjesë në dy gara. Ajo do të garojë në Slalomin gjigant dhe në Slalomin special, që do të zhvillohen të shtunën dhe të dielën.
Gara e Slalomit gjigant do të fillojë ditën e shtunë me zbritjen e parë në orën 10:00, ndërsa zbritja e dytë është e planifikuar për orën 13:00. Në ditën e diel, Lara do të garojë në Slalomin special, ku zbritja e parë do të nisë në 14:15 dhe e dyta në 17:45.
Pas përfundimit të garave në këtë edicion të Kupës së Botës, Colturi renditet e 8-ta në klasifikimin e përgjithshëm me 302 pikë. Shpresohet që rezultatet e saj të përmirësohen pas garës në Semmering. Gjatë këtij sezoni, Lara ka arritur dy vende të dyta në Levi të Finlandës dhe Gurgl të Austrisë, si dhe një vend të tretë në Copper Mountain në SHBA.
Sportistja 19-vjeçare po tregon një përparim të dukshëm, dhe garat e ardhshme do të jenë një tjetër mundësi për të rritur pikët dhe vendosjen në renditjen e përgjithshme.
