Ushtria greke është përfshirë në një skandal të rëndë spiunazhi, pas arrestimit të një koloneli 54-vjeçar të Forcave Ajrore, i cili akuzohet se tregtonte informacione të ndjeshme për NATO-n në favor të Kinës. Mësohet se familjarët dhe miqtë e tij janë të tronditur nga akuzat dhe shprehen të dyshimtë në lidhje me përfshirjen e tij, duke e përshkruar kolonelin si një person të thjeshtë dhe shoqëror, pa interesa materiale.
Sipas të afërmve, ai kishte shfaqur një interes të veçantë për teknologjinë kineze dhe kishte udhëtuar një herë në Pekin, si dhe ishte duke mësuar gjuhën kineze, e cila për ata ishte e kuptueshme si një pasion akademik. Atyre u lindin pyetje se nëse ai është kërcënuar ose ka pasur ndikim nga persona të tjerë.
Hetimet janë nisur pas informacioneve nga CIA, sipas të cilave Kina kishte arritur të merrte akses në dokumente të klasifikuara të NATO-s. Autoritetet greke të inteligjencës identifikuan kolonelin si një nga pak oficerët me akses në një faqe sekrete të aleancës, ku ai dyshohet se kishte shkarkuar dhe transferuar një sasi të madhe të materialeve sensibël.
Arrestimi i tij u realizua përmes gjurmëve dixhitale dhe përdorimit të softuerëve të koduar, ndërsa hetimet për zbardhjen e plotë të rrjetit dhe motiveve të tij vazhdojnë. Rasti ka shkaktuar alarm në mesin e autoriteteve ushtarake dhe politike në Greqi, duke ngritur pyetje mbi sigurinë e informacionit dhe besueshmërinë e personelit të lartë ushtarak të vendit. Gjatë përfundimit të hetimeve, pritet që të japin më shumë informacion në lidhje me këtë çështje, e cila ka tërhequr vëmendjen e mediave dhe publikut.
