Ish-gjyqtari i Premier League, David Coote, ka pranuar fajësinë për krijimin e një videoje seksuale të një djali 15-vjeçar. Gjatë një seance në Gjykatën e Kurorës në Nottingham, 43-vjeçari u akuzua më 12 gusht pas një hetimi nga Policia e Nottinghamshire. Ai pranoi akuzën për krijimin e një videoje të kategorisë A, niveli më i rëndë sipas ligjit britanik, e realizuar në janar 2020.
Hetimet filluan pas pezullimit të Coote nga organi zyrtar i arbitrave, PGMOL, në dhjetor. Këtë hap e pasoi një incident online ku ai ofendoi trajnerin Jurgen Klopp. Gjatë kontrollit të Federatës Angleze të Futbollit (FA), u zbuluan biseda shqetësuese në dy telefonat e tij, ndërsa videoja e akuzuar u gjet në një laptop Dell, i përdorur për herë të fundit më 2 janar 2020.
Gjyqtarja i përmendi Coote se rasti ishte “shumë serioz” dhe kërkoi një raport paraprak për dënimin para se të vendoset nëse ai do të përballet me burgim. Ai u lirua me kusht deri në seancën e radhës, që do të mbahet më 11 dhjetor. Sipas ligjit britanik, krijimi i imazheve të pahijshme të fëmijëve përfshin shkarkimin, ndarjen ose ruajtjen e materialeve me përmbajtje abuzive ndaj të miturve, me dënim maksimal deri në tre vjet burg për kategorinë A.
Coote kishte debutuar në Premier League në prill 2018, duke arbitruar më shumë se 100 ndeshje dhe kishte qenë pjesë e stafit zyrtar në Euro 2024. Karriera e tij përfundoi pas një incidenti në nëntor 2024, ku u publikuan video të tijat që ofendonin Klopp dhe duke përdorur substanca të ndaluara, gjë që rezultoi në pezullimin e tij nga UEFA deri më 30 qershor 2026.
Pas shkarkimit, ai u pa duke shpërndarë paketa për kompaninë Evri. Në janar 2025, Coote shpalli publikisht se ishte homoseksual, duke akuzuar se presioni për të fshehur seksualitetin e tij kishte ndikuar në sjelljet e tij problematike.
