Ishte muaji gusht i 2022 kur facebook zjeu nga një viralitet reagimesh. Presidenti Bajram Begaj kishte shkarkuar Edvin Shvarcin. Një uridit, njohës i disa gjuhëve të huaja, me origjinë hebreje, i shkolluar në SHBA dhe që u shërbeu 4 Presidentëve të Shqipërisë.
Kaq u desh dhe facebook u ndez nga një seri reagimesh. Analistë me emër, pokitikanë, shkrimtarë dhe gazetarë të mediave pa shumërjashtime e quajtën këtë një lajthitje nga vapa e Presidentit.
Fotoja e Shvarcit shpërndahej gjithandej, sa me ironi, sa me sarkazmë e sa me mllefin për Shqipërinë ku po shkon. Por s’kaloi shumë kohë dhe njeriut të urtë iu ofrua një pozicion pune në Radio Televizionin Shqiptar. Ai u bë shef i kabinetit të Drejtorit asokohe Enkel Joti.
Sot, kur shënon 1 vit nga flakja e parë, Edvin Shvarc u “hodh në rrugë” nga drejtori i sapoemëruar i RTSH Alfred Peza duke e çuar Shvarcin me 4 gjuhë të huaja tek orkestra e RTSH, njësoj siç të internosh një pedagog nga Tirana në mësues fshati në Vermosh.
Më keq se një vit më parë kur me një firmë të Begajt ai u gjend i papunë, Shvarci në RTSH u sorrollat, u ofendua dhe u tall. Fillimisht iu kërkua të dorëhiqej nga Shefi i Kabinetit, vend të cilin Peza e kishte premtuar për gazetaren Edlira Prendi(njohje e vjetër e Pezës dhe emërim pa konkurs). Shvarci i urtë pranoi dhe u pozicuonua si drejtor i Marrëdhënieve me Jashtë. Po kjo nuk zgjati shumë ditë.
Ai vend pune duhej pêr një tjetër qokë. Dhe Shvarcin e komanduan Drejtor të Orkestrës që të mërzitet dhe më pas të largohet vetë. Si duket edukata e punës, kultura familjare dhe ajo e shkollimit e bënë Shvarcin ta pranonte edhe këtë pozicion pune.
Por absurdi nuk mbaroi me kaq. Pozicioini i Drejtorit të Arkivit në RTSH iu desh Alfred Pezës për një tjetër pak a shumë 30 vjeçare qe shkollimin e ka mbaruar në Elbasan, siç ajo vetë shkruan në Facebook.
Kështu Edvin Shvarcit i komunikohet ndërprerja e kontratës si drejtor kabineti në Radio Televizionin Shqiptar dhe syrgjynoset si drejtor orkestre, formë kjo për mos ta larguar përfundimisht nga RTSH sepse largimi the tij do të sillte reagim të fortë në mbarë opinionin publik.
Kështu e gjen edhe ky gusht Edvin Shvarcin. Të “internuar” tek “sazet” e RTSH për mos të thënë i hedhur në rrugë, të tallur, por jo pa mbështetje. Facebook duket se do të ndizet sërish nga historia e ‘gushtit fatkeq’ i njeriut të urtë Edvin Shvarc.
