Në Vlorë po ndodh një tjetër farsë politike. Kandidatja për Bashkinë e qytetit, Bruna Mersini, po përflitet gjerësisht se mbështetet nga struktura të lidhura me krimin dhe se ka ngritur dy ndërtime pa leje – një në Tiranë dhe një në vetë Vlorën, qytetin që pretendon ta drejtojë.
Sipas burimeve të sigurta, Mersini dyshohet se ka ndërtuar një kat të paligjshëm në një pallat në “Rrugën e Kosovareve” në Tiranë, dhe një tjetër në zonën turistike “Lungo Mare” në Vlorë. Pyetja është e thjeshtë dhe publike:
👉 A ka ndërtuar Bruna Mersini pa leje? Po Edi Rama, a është në dijeni të këtyre abuzimeve të kandidates së tij?
Nëse vërtet jemi në një shtet ligjor, këto akuza duhej të ishin çështje për SPAK-un, jo për fushatën elektorale. Por në Shqipërinë e sotme, duket se ndërtimet pa leje, lidhjet me krimin dhe karrierat politike ecin paralelisht – madje dorë për dore.
Ironia e madhe qëndron te vetë deklaratat e Kryeministrit Rama. Vetëm pak muaj më parë, në një takim me deputetë dhe drejtues bashkish, Rama premtoi ashpër:
“Do të skualifikohet çdo proces legalizimi për ndërtime pas vitit 2020 dhe do të krijohet një listë e zezë e ndërtuesve abuzues.”
Fjalë të bukura në letër. Por në terren, lista e zezë është kthyer në listë privilegjesh për njerëzit e pushtetit. Dhe Bruna Mersini duket se është përjashtimi tipik që konfirmon rregullin — një kandidate që në vend të jetë shembull për qytetarët, është simbol i arrogancës politike dhe i dyshimeve për abuzim me territorin.
Portali ynë ngre pyet publikisht:
- A do të zbatohet ligji për Bruna Mersinin, apo “ligji i Rilindjes” vlen vetëm për të varfrit?
- A do të veprojë SPAK, apo do të mbyllë sytë për ndërtimet pa leje të kandidates së Ramës?
- Dhe mbi të gjitha: a e meriton Vlora një kryetare që ndërton pa leje dhe mbështetet nga krimi?
Këto janë pyetje që kërkojnë përgjigje, jo heshtje.
Sepse qytetarët e Vlorës nuk mund të ndërtojnë pa leje një kat banimi pa u ndëshkuar — por kandidatja e Ramës mundet.
Drejtësia është testuar shumë herë.
Tani radha është e Bruna Mersinit.
