Arbër Hajdari i ‘Fundjavë Ndryshe’ ka folur së fundmi për fëmijërinë dhe jetën e vështirë, duke rrëfyer se ka pasur një infeksion të rëndë dhe se mamaja e ka veshur si vajzë.
Hajdari ka kritikuar politikën, duke pohuar se politika shqiptare nuk është e denjë për një pesonazh si ai.
Politika shqiptare vërtetë nuk është e denjë, por shqiptarët meritojnë të dinë disa edhe të vërteta rreth Arbër Hajdarit, që të dallojnë rrenën nga e vërteta, propagandën nga realiteti dhe çfarë përfaqëson vërtetë ky personazh, si zgjatim i plitikës së korruptuar të Tiranës.
Dokumentet e siguruara nga Prapaskena ngrenë dyshime të forta se Arbër Hajdari është përdorur dhe përdoret për pastrimin e parave të korrupsionit të babait të tij, Shkëlqim Hajdari, i cili ka qenë prokuror deri në vitin 2016, kur dha dorëheqjen pasi nisi të ndiente lakun e Vetingut.
Bashkë me Adriatik Llallën, Shkëlqim Fushën dhe Alaudin Malajn, Çim Hajdari, perceptohet mes ish prokurorëve më të korruptuar në Shqipëri, ku si për ironi del nëpër studio televizive dhe flet për SPAK-un dhe luftën kundër korrupsionit, kur duhet të ishte vetë prej kohësh subjek i SPAK bashkë me të birin.
Shkëlqim Hajdari është nga të vetmit ish funksionarë të drejtësi që drejton një degë të qeverisë, pasi është emëruar kryeinspektor i përgjithshëm nga qeveria, institucion i cili është përfshirë në abuzime dhe shkelje nga më të rëndat.
I biri pastron masivisht paratë me Fundjavën Ndryshe, ka përfituar fonde dhe prona publike.
Arbër Hajdari me vilë që 19 vjeç
Kaq e vështirë ka qenë jeta e Arbër Hajdarit sa që deklaton se është pronar i një vile në periferi të Tiranë që kur ishte 19 vjeç, pa punuar asnjë ditë, por gjoja me kredi dhe marifete të tjera zakonshme.
Prapaskena mëson se vila është deklaruar 90 mijë euro, por dyshohet se ka një vlerë disa herë më të lartë.
Një 19 vjeçar që sapo ka mbaruar shkollën e mesme e ka të vështirë të blejë një palë xhinse me paratë e tij, ndërsa Arbëri blen vilë! Nuk ka faji babai i tij që kritikon SPAK se pse nuk po lufton korrupsionin!
50 milionë lekë nga Ministria e Bujqësisë
Në vitin 2012, kur ishte vetëm 18 vjeç, Arbër Hajdari krijon një fermë më dele dhe dhi, në Tujan të Tiranës, me një investim rreth 16 milonë lekë (të vjetra).
Këtu nis edhe pikëpyetja e madhe? Ku i mori gjimnazisti vizionar 16 milionë lekë për të ngritur fermën?
Dhe çudia nuk mbaron këto. Vitin që ngriti fermën me bagëti të imta, Arbër Hajdari fiton rreth 9 milionë lekë të vjetra, një vlerë tejet e dyshimtë për një djalosh që nuk merr vesh nga blegtoria.
Një vit më pas, në 2013, kur ishte 19 vjeç, Arbër Hajdari merr një grand me vlerë 50 milionë lekë nga Agjencia për Zhvillim Bujqësor dhe Rural, një nga drejtoritë më të korruptuara në Shqipëri.
Një çunak 19-vjeç merr rreth 50 mijë USD para publike për të investuar në fermën e tij, të hapur një vit më parë, në kushte kur delet dhe dhitë i ka parë vetëm në televizor.
Duket e vështirë për t’u besuar se një 19-vjeçar, megjithëse i regjistruar si biznesmen i madh, të ketë pasur njohuritë e nevojshme për të përfituar grante nga Ministria e Bujqësisë.
Një 19-vjeçar nuk bën dot as letrat formale për të aplikuat.
Dyshimet janë që babai i tij, Shkëlqim Hajdari, të ketë ketë kopsitur procedurat administrative e ligjore, aq më tepër që posti i tij si drejtues i Prokurorisë së Apelit të Tiranës i krijonte shumë aksese në veprimtarinë e institucioneve të tjera.
Dy vjet pasi mori 50 milionë lekë nga paratë publike, Arbër Hajdari i fut një të shitur deleve dhe dhive, me vlerë 14 milionë lekë, dhe mbyll fermën.
Femra e tij zgjati tre vite, duke përfituar 50 milionë lekë nga paratë publike dhe duke qarkulluar dhjetëra mijëra euro para të dyshimta.
43 mijë m2 pronë publike për 20 vjet
Arbër Hajdari ka të drejtë kur kritikon politikën shqiptare, e cila kontrollon pushtetin.
Pasi përlau 50 milionë lekë nga Ministria e Bujqësisë, Hajdari ka marrë 43 mijë m2 pronë publike për 20 vjet nga qeveria e Edi Ramës, duke ngritur mbi të Fundjavën Ndryshe, e cila nëse i referohemi bilanceve financiare krijon dyshime të forta për vjedhje dhe pastrim masiv parash.
Prona në Borsh
Në vitin 2016, Abër Hajdari, pasi hoqi dorë nga bagëtitë në Tiranë, bleu një pemëtore me sipërfaqe 2 300 m2 në Borsh, me vlerë 15 mijë euro, si dhe 3 makina Smart. Më pas do të kalojë nga pemtaria tek bamirësia dhe media, aktivitete për të cilat do të flasim në vijim.
Të dhënat si dhe lëvizjet nga blegtoria, pemtaria, media dhe bamirësia, ngrenë dyshime të forta për një aktivitet fiktiv të Arbër Hajdarit, për qarkullimin e parave të dyshimta të babait të tij, Shkëlqim Hajdari si prokuror.
Me gjithë këto fakte, paradokse dhe skandale, Arbër Hajdari vijon aktivitetin pa u hetuar nga organet ligjzbatuese.
Ai mendon se ka si mburojë babain e tij me lidhje me drejtësinë dhe qeverinë, ndërsa vetë Shkëlqim Hajdari mendon se ka mburojë Edi Ramën. / Prapaskena
